"More Women Suffer From Eye Damage Than Men"

Yan ang sabi ng isang optical shop dito sa pilipinas. Okay sana yung sentence eh; informative naman. Ang hindi ko lang gusto ay yung way ng pag-aadvertise nila dun sa phrase na yan. Wala lang akong mahanap na pic sa internet eh, para mapakita ko sa inyo. Pero malamang you have already seen the commercial at yung mga billboards ng company na to. Yun yung may magandang babae na pinapakita, tapos ang asawa nya ay panget or maitim. After nila ipakitang naglalambingan, sasabihin na nga yung phrase na yun. Kung una, matatawa ka talaga kasi nakakaaliw nga naman. Maski ako naaliw. din Pero kinalaunan, nang makita ko ulit ang billboard, naisip ko na may nakakainsulto dun sa advertisement. Eh ano naman kung pangit yung asawa tapos maganda/gwapo yung isa? Does it mean na malabo na nga o may deperensya sa mata yung kabiyak na maganda/gwapo? Hindi ba posible na magkagusto ang isang maganda/gwapong nilalang sa isang pangit? Tsk tsk...

Mamaya tuloy nyan, baka kapag nakakita tayo ng magnobyong ang isa ay pangit at isa naman ay kagandahan/kagwapuhan ay isipin na agad natin na may deperensya sa mata ang isa sa kanila. O di ba, discriminating? Hay... Wala na nga bang true love sa mundong ibabaw? Sorry kung medyo corny ha, pero if iisipin mo, yun na din ang sinasabi nila. Paano kaya kung magpatingin nga sa mata yung visually challenged na kabiyak? Eh di may chance na iiwan nya (or magkaroon siya ng second thoughts sa relasyon nila) ang asawa/nobyo niya kapag luminaw na ulit yung paningin nya? Kawawa naman yung pangit na asawa/nobyo. Tsk tsk...

Baka naman iniisip nyo na kaya ako apektado masyado ay dahil sa ako'y pangit? O baka dahil sa ang GF ko ay pangit? Haha... Nagkakamali po kayo. May itsura naman akong tao, at maganda naman ang aking minamahal. Hehe... Ayoko lang talaga yung advertisement na yon.

Hindi ko alam kung naisip din ba ng company na yun yung napansin kong isa pang kahulugan ng advertisement nila. Or ginawa nila yun just for entertainment purpose lang talaga. Pero sana, wala na ulit yung mga ganung klaseng mga patalastas.

Pinoy nga naman, basta makabenta lang...